A.
Maaaring
hanapin sa sumusunod na websites ang mga pagamutan na nagbibigay ng serbisyo sa
iba’t-ibang wika.
Pampublikong seguro
Q.
Hindi ko kayang bayaran ang National Health Insurance premiums dahil masyado
itong mahal. Ano ang dapat kong gawin?
A.
Kapag
hindi kayang bayaran ang insurance premiums, kailangang kumunsulta agad sa
lalong madaling panahon sa tanggapan ng National Health Insurance ng sariling
munisipyo. Kung may natatanging dahilan, maaaring mabigyan ng pagbabawas, exemption
o di kaya’y pagpapaliban sa pagkulekta ng premiums sang-ayon sa mga patakaran
at regulasyon.
Q.
Ako ay naninirahan sa Japan nang matagal
na panahon. Nasasakop ba ng National Health Insurance ang gastos sa pagpapagamot
kapag ako ay nagkasakit sa panahon ng pag-uwi nang pansamantala sa aking bansa?
A.
Maaaring gamitin ang National Health Insurance para
sa gastos sa pagpapagamot sa ibang bansa. Subalit, hindi nasasakop sa pagbayad
ang sumusunod na mga kaso:
(1) Pagpapagamot na kung
saan hindi applicable ang health insurance sa loob ng Japan
(2) Kung ang pakay ng
pagpunta sa ibang bansa ay para magpagamot.
Sistema ng pensiyon
Q. Anim
na taon akong miyembro ng Employee’s Pension Insurance, at ngayon ay pauwi na
ako sa aking bansa. Maaari ko bang gamitin ang temporary refund system ng
pensiyon?
A.
Depende
sa tagal ng panahon ng pagiging miyembro, maaaring tanggapin ang lump-sum
withdrawal payment sa pag-alis sa Japan sa paggawa ng aplikasyon, kapag naging
miyembro ng Employee’s Pension Insurance sa 6 buwan at higit pa at walang
Japanese citizenship.
Mga
kondisyon:
(1) Walang
Japanese citizenship
(2) Miyembro
ng Employee’s Pension Insurance sa 6 buwan at higit pa
(3) Walang
address o tirahan sa Japan
(4) Kailanman
ay hindi nagkaroon ng kapasidad o karapatang tumanggap ng pensiyon (kalakip ang
disability pension)
Pamamaraan:
Ang
sumusunod na mga dokumento ay kailangang ipadala sa tanggapan ng Japan Pension
Service sa loob ng 2 taon mula sa pag-alis ng bansa.
(1) Lump-sum
Withdrawal Payment Claim Request
(2) Kopya
ng pasaporte
(3) Pension
handbook
(4) Dokumentong maaaring gamitin sa pagkumpirma sa bank
account ng gumagawa mismo ng kahilingan
Halagang
tatanggapin:
Alamin
ang pinakabagong impormasyon ukol sa paraan ng pagkalkula sa tanggapan ng Japan
Pension Service.